Украинехь дIадахначу шерашкахь хилла Iедал хийцинчу гIаттаман турпалхойн хьуьнар билгалдаьккхина Францин Страсбургехь. Де Голан а, Черчиллан а, Колан а иштта кхиболчу а бевзаш болчу нехан цIерш тIехь йолчу седарчашна юкъахь хIинца Украинан гIаттаман "Стиглара БIо" цIе йолчу турпалхошна хIоттийна седа а хир бу.
Кху деношкахь Страсбургехь украинхошна хIоттийна хIоллам гучубоккхуш цига веанера Украинан президент Порошенко Петро.
Евробартера Украинан векало Дмитрий Кулебас дIахьедар дина, и хIоллам шайн мохк а, шаьш а дикачу агIор хийцинчу неха безамна хIоттийна бу, аьлла.
