47 дийнахь чохь а латтийна, тIеман барзакъ доьхначу наха лачкъийна йигина Соьлж-ГIалара 27 шо долу Мамаева ПетIмат маьрша яьккхина. И хаам бина Маршо Радиога йоьIан гергарчу наха. ХIун бахьанашца, хьан дIалаьцна латтийна йоI, дийца ца лаьа йоьIан нахана.
Гезгамашин-беттан 6 - чу дийнахь шен йоI Мамаева ПетIмат неIаре баьхкинчу герзхоша дIайигина аьлла, иза лохуш гIо доьхуш мехкан куьйгалхочуьнга Кадыров Рамзане кхайкхам баржийра социалан машанехула цуьнан нанас Яхас.
