Карарчу шеран исс баттахь Нохчийчуьрчу ницкъаллийн структурийн белхахоша 40 сов гIаттамхо а, 25 церан агIончаш а лецна. Регионан чоьхьарчу гIуллакхийн министраллан коллегехь вистхуьлуш, бина и хаам мехкан куьйгалхочо Кадыров Рамзана.
Иштта цо билгалдаккхарехь, некъан бохамаш а лахбелла махкахь. Оцу юкъанна, республикехь даккхий зуламаш дар совдаьлла, билгалдоккху Кадыровс.
Полисхошка кхайкхамбина мехкан урхалхочо наркотикаш а, психотропан молханаш а лелочарна тIехь Iуналла латтор а, цаьрца къийсам совбаккхар а тIедожош.