Журналисташ байар ца толлучу 10 пачхьалкхана юкъаяхна Оьрсийчоь. «Журналисташ ларбаран комитет» олучу Iедалх йозуш йоцучу юкъаралло зорбане баьккхина «ТаIзар ца даран глобалан индекс - 2017» олу таллам. Цу спискана юкъахь Оьрсийчоьно дIалаьцна 9-гIа меттиг. Ткъа хьалхарчу меттигехь ю Сомали а, Шема а.
Эксперташ дийцарехь, тIаьхьарчу 10 шарахь Оьрсийчохь вийна 9 журналист. Уьш байина а, байъийтина а нах карийна бац.
Журналисташ байина нах ца лахарца Оьрсийчоь хьалхаяьлла Бангладешал а, Нигерел а, Инди пачхьалкхал а, аьлла хета «Журналисташ ларбаран комитетехь».