Iамеркан боксеран Мейвезер Флойда-жимахволчун Оьрсийчоьнан паспорт а даьккхина, Соьлж-ГIалахь цIа хила лаар тIечIагIдина Нохчийчоьнан куьйгалхочо Кадыров Рамзана.
"Веза хьаша, легенда-боксер, цхьангга а эша ца лун Мейвезер Флойд веанера Соьлж-ГIала", - яздина Кадыровс шен телеграмехь.
Цо бахарехь, цу шиннан къамел хилла боксах, Нохчийчохь а, Оьрсийчохь а, доллу дуьненахь а и спорт кхио езарх а.
"Уггар мехалниг ду, Мейвезерна Оьрсийчоьнан вахархо хила лаар", - кхи дIа яздо мехкан куьйгалхочо.
"Иштта нислур ду аьлла хета суна. Оьрсийчоьнан паспорт суна лахь, сан Москох Iен шортта меттигаш бу, амма Соьлж-ГIалахь сайн хIусам хила лаьара суна", - аьлла, дIахьедина ша боксера а.
Иштта Кадыровс хаийтина, гоьбоьвллачу боксерашца карадогIучу шарахь Мейвезеран Соьлж-ГIала ван лаам хиларх а, оьрсийн боксерийн дог-ойла иракарахIотто.
Хьалхо Мейвезера дIахьединера, муьлхачу къомах и спортсмен велахь а, цIена хила веза иза, допингаш ца лелош аьлла.
"Байден" вац Биден {Biden} ву!
quordavina i shu zhughurg, qhin diica humma ca kara do shun?
Дал этто бойла вайн массарнаъ
Тумсо борз араяьлла хьуьнчохь, ларлолаш чаг1алкхаш!