Пермехь Орджоникидзен кIоштIах 40 шо долу шен кIант лоьхуш ю меттигера яхархо. Цо дийцарехь, иза вайна ГIадужу-беттан 28-чохь, хаам бо kp.ru сайто.
Цу хьокъехь кхайкхам баьржина социалан машанашкахь. Нанас дийцарехь, цуьнан кIант Нохчийчохь тIом бина ву. Цигара иза цIа веана хилла, вуно галъялла могушалла а йолуш: эпилепси тIейогIуш а, кхетамчуьра вуьйлуш а.
Шен кIант лахар а дехна, цуьнан сурт тIехь долу кехаташ летош лелаш ю иза ша ехачу кIоштахула.
