Нохчийчуьра кхаа дешархочо – Тепсаев Адама а, Магомаев Мохьмада а, Зубайраев Мохьмада а - къонахалла гайтина, адамаш кIелхьардохуш, хаам бо республикерчу Орцаллан министраллан зорбанан сервисо.
Цу кхаа кIантана мидалш а елла, совгIаташ а дина Нохчийчуьрчу Орцаллан министраллан цIарах
Иштта, ворхI шо долчу Зубайраев Мохьмада а, 9 шо долчу Магомаев Мохьмада а ТIехьа-МартантIерчу Керлачу Шаройхь кIелхьарваьккхина, хи чуйоьжна шен мача схьаэца чугIоьрттинчехь, хи чувоьжна шайн накъост Ехиев Этхо.
Шелан кIоштарчу Гермачигара Тепсаев Адама кIелхьарваьккхина Басс хино хьуш хилла 2 шо долу кIант. Урамехь ловзуш волчу цуьнан бIаьрг кхетта хилла хино хьуш долчу берах. Ойла еш а ца Iаш, тIехьадда и жима кIант хьалаваьккхина цо хи чуьра, ша а нека дан хууш воццушехь.
Школехь дешна ваьллачул тIаьхьа тIейогIучу хенахь Орцаллан министраллехь болх бан некъ а кховдийна дог майрачу кхаа кIанте.
