"Новая газетан" 20 хьостано а, Гуьмсехь Горькийн урамехь вехачу 17 вахархочо а бакъ ца йина, Гуьмсехь 400 эскархочо ЯмадаевгIеран хIусамашна тIелатар дина аьлла, "Росбалт" агенталло Iораяьккхина информаци.
Газетан хьосто тIечIагIйина Кадыров Рамзанан пресс-секретаран, цу кIоштахь паспорташ толлуш полисхой бара боху информаци.
Хила тарло полисхоша лоьхуш волу Ямадаев Iийса, байинчу вежарийн ЯмадаевгIеран Сулиман а, Русланан а ваша, Кадыровн чIирхо Гуьмсехь гучуваьлла боху хаам зен арабевлла хилла а полисхой.
Ницкъаллийн структурийн белхахоша Гуьмсехь нах лецна аьлла информаци яц "Новая газетан".
Гуьмсехь хьал маьрша ду аьлла дIахьединера мехкан куьйгалхочун пресс-секретара Керимов Iалвис, дуьйцу "Интерфаксо" а.
Техника тIе а оьзна, спецопераци дIаяьхьна бохург бакъ дац.
