Шоьтадийнахь Инстаграмера а, Фейсбукера а мехкан куьйгалхочун Кадыров Рамзанан аккаунташ дIакъевлина карийна. @kadyrov_95 агIонна чу ца вахало, я дIаяьккхина аккаунт я цхьа дуьхьало цигахь ю хууш дац.
Иштта хууш дац мехкан куьйгалхочо шен лаамехь дIаяьккхина Инстаграмера агIо я сервисан бахьанаш ду.
Билгалдаккха догIу, Кадыров Рамзан жигара вара социалан машанашкахь.
Кхо миллион гергга стаг вара цуьнан Инстаграмерчу агIоне язвелла. Цо денна бохург санна керл-керла политикех лаьцна публикацеш зорбане йохура шен пена тIехь, йоккха резонанс а оьккхуьйтуш.
Я ша Кадыровс а, я социалан векалша а цкъачунна аккаунт къовларан хьокъехь йина комментари яц.
Масех де хьалха Iамеркан Цхьанатоьхначу Штатийн финансийн министралло "Магнитскийн тептаре" язвинера мехкан куьйгалхо, цунна дуьхьал кеп-кепара санкцеш а йохуш.