Facebook-о агIо дIакъевлинчу Кадыров Рамзана тIечIагIдина, шен хилла адрес дIалаьцнарг "Креол Тревел" олу туризман компани хилла хилар.
Шен Telegram-рчу аккаунтехь Кадыровс хаам бина, шен векалша цу компаница дийцарш дIадаьхьна хиларх лаьцна а, цуьнан куьйгалхой цу агIона тIера дIабовла реза хилла хиларх лаьцна а.
Кадыровс чIагIдарехь, Facebook-хь цуьнан хиллачу аккаунтана доладеш ву цуьнан векал. Амма ша цуьнах пайда эца дагахь вац боху Нохчийчоьнан куьйгалхочо.
Цуьнан бахьанашна юкъахь ду боху Кадыровс, шена цхьаьнга рогIера клон яйта, рекламан Iалашонашца пайда эцийта я питанаш даржадайта ца лаар.
