ТIекхочийла долу линкаш

ЦIеххьана кхаьчна хаам!

Митингаш жигара яхар доьху гIажарошка бакъонашларъярхочо


ГIажаройн бакъонашларъярхо Эбади Ширин

Iедална дуьхьал пачхьалкх мел ю йолийна акцеш кхи а жигара яха кхойкху ГIажарийчоьнан бакъонашларъярхочо, Нобелан совгIатан лауреато Эбади Ширина. Reuters агенталло бо и хаам, Iарбойн "Ашшарк аль-Аусат" газетана Эбадис еллачу интервьюх пайда а оьцуш.

ГIажарийчоьнан конституцино бакъо ло цуьнан бахархошна протесташка бийла, цундела таро ю церан урамашкахь латта.

Иштта гIажарошка кхойкху бакъонашларъярхочо коммуналан ял дIа ца яла а, пачхьалкхан банкашкара шайн ахчанаш схьаэца а. Оцу экономикан тIеIаткъамца Iедал декхаре дийр ду халкъанна тIехь ницкъбар сацо а, дуьхьалончийн лаамаш кхочушбан а аьлла хета бакъонашларъярхочунна.

"38 шарахь шун пусар ца динчу Iедало тахана бохург тIехтаса хан кхаьчна шуьга", - аьлла Эбадис.

Хьалхо немцойн Die Welt хаамийн гIирсана еллачу интервьюхь а билгалдаьккхира бакъонашларъярхочо, ГIажарийчохь коррупци яьржина хиларх а, кегийрхоша белхазалла ловш хиларх а.

МитингашКIира хан ю гIажароша демонстрацеш йолийна. Экономикан лозунгашца арабевллера уьш юьхьанца, тIаьххьара а Iедална дуьхьал бевлира гулбелларш.

XS
SM
MD
LG