ТIекхочийла долу линкаш

ЦIеххьана кхаьчна хаам!

ПIаьнказахь лоцуш лазийначу кIантана дозанал а арахьа дарба дайта сацам бина


Дуисера бахархой митинге бевлла спецназана дуьхьал, цара бехк боцуш Мачаликашвили Тамирлан лазорна

ПIаьнказахь лерина операци дIахьочу хенахь лазийна 19 шо долу Мачаликашвили Тамирлан Гуьржийчуьрчу клиникера ара а ваьккхина кхечу пачхьалкхе дарбанна дIавигийта сацам бина аьлла, хаамбо "Грузия онлайн" хаамийн гIирсо.

Архангел Михаилан цIарахчу клиникан профессоро Лурсманашвили Зазас дIахьедина: "Телефонехула зIе хилла тхан, цуьнан могушалла кхерамечу хьолехь хилар тергоне а эцна, оха сацам бина дозанал а арахьа дарбан клинике дIавигийта. Цкъа хьалха цуьнан могушаллех документаци дIатосур ю оха, цул тIаьхьа дехьавоккхур ву иза ша а".

Байначу беттан 26-чохь Мачаликашвили Тамирланна коьртах а, белшах а герз кхеттера ПIаьнказахь иза лоцучу хенахь.

XS
SM
MD
LG