ТIекхочийла долу линкаш

ЦIеххьана кхаьчна хаам!

Трамп дуьхьал вац Къилбаседа Корейн лидерца къамеле вала


Къилбаседа Корейн лидерца Ын Ким Ченца телефонехула къамелдан лаам хиларх дIахаийтина Iамеркан Цхьанатоьхначу Штатийн президенто Трамп Доналда. "Со даим теша къамело пайдабахьарх", - аьлла Трампа Кэмп-Дэвидан резиденцехь, журналисташа айхьа "Жима ракетчик" аьллачу стагца къамел дан луур дуй хьуна аьлла, шега хаттар дича.

"Къамел дийр дара ас", - аьлла Трампа, амма шен цхьацца билламаш хир бара цхьана а кепара дийцарш доладале хьалха аьлла.

И дIахьедар дина Iамеркан президенто, Къилба а, Къилбаседа а Корейца Пхеньянехь Iаьнан спортан ловзаршкахь дакъалацарх официалехь дийцаредан барт хиллачул тIаьхьа.

Шоьтадийнахь Корейн векало хаамбина, шайн спортхоша Олимпиадехь дакъалаца мега аьлла.

Оцу хьокъехь Трампа дIахоуьйту, Олимпиадех дийцарал а совнах, гIуллакх кхи а дIадаха шена лаарх. "Аьтто ма белли, шаьш дийцаршкахь дакъалоцур ду" - аьлла Iамеркан президенто.

ООН-н резолюци а йохош, Пхеньяно хIоразза а шен баллистикан ракеташ а, зарратан герз а зен долича, Iамерко а, Къилбаседа Корейно а вовшашна кхерамаш туьйсуш, дешнашца кхийсарш йо дуьх-дуьхьал.

XS
SM
MD
LG