ТIекхочийла долу линкаш

ЦIеххьана кхаьчна хаам!

Кавказера тIемалой болу Идлиб схьаяьккха гIерта Асадан ницкъаш


Шема -- Идлиб гIала, Дечк. 7, 2018

Шеман президентан Асад Баширана муьтIахь болчу ницкъаша Iаткъам бар алсамдаьккхина Идлиб провинцехь болчу гIаттамхошна. Шеман тIеман кеманаш бомбанаш а, ракеташ а етташ ду Идлибан къилбаседа-малхбузехь йолчу территорина.

Идлиб, провинци Iуьллуш ю Туркойчоьнан дозанца. Цу меттигашкахь дIатарбела бу Шеман режимана дуьхьал болу оппозицин ницкъаш, шайна юкъахь Юккъерчу Азера пачхьалкхашкара баьхкина тIемалой а болуш. Цхьаболчу хаамашца, Кавказерчу тIемалойн "Ажнад аль-Кавказ" тобано Iуналла дечу Идлиб гIала бомбанаш йиттина лаххара а 34 стаг вийна кIирандийнахь, шайна юкъахь 19 маьрша вахархо а волуш.

XS
SM
MD
LG