ТIекхочийла долу линкаш

ЦIеххьана кхаьчна хаам!
please wait

No media source currently available

0:00 0:01:03 0:00
Линкана тIе

Цуруев Шарип. Барзин Iожалла

Хьо сийсара мичахь вара, Барза?
Хьо тховса а мичахь хир ву, Барза?
Алахь, Барза, мичахь хир ву кхана? –
Хьоьга кхойкхуш йоьлхуш ю хьан нана.

БIаьргаш лечкъош, лаьттан бIаьра хьаьжна,
Шен гIайгIанах шад а бина хьаьж тIехь,
Бехке хеташ адам меттаххьадан,
ВогIавелла лаьтта къена дада.

Хьо сийсара мичахь вара, Барза?
Хьо тховса а мичахь хир ву, Барза? –
Дуьне дуззал бала кийра эцна,
Хьуна елха йиси дагна езнарг.

Хьо ца гуш а, ца хезаш хьан йиш а,
Са бIарзделла хьийза хьан цхьа йиша.
И схьадогIу Яьсси санна, гIийла
Нана-Нохчийчоь а хьуна тийжа.

Еха оьмар йоьгIна-кха хьан сина –
Хьан са мукъамашка дIадирзина...
Амма вац хьо, вац хьо тховса, Барза!
Хьо сийсара мичахь вара, Барза?

Гезлойн-эвлара Эзерханов Барза – Советан Iедал тIедале Къилбаседа Кавказехь цIеяххана вевзаш хилла волу пондарча, – дуккха а мукъамийн автор. Барзин жимахволу ваша Iабдурашид нохчех радиочухула дуьххьара пондар лекхнарг ву, олу наха. Барзин эшарш Димаев Iумара а локхура. Цхьаерш наха хIинца а локхуш ю.

Цуруев Шарип

Поэт, яздархо, журналист Цуруев Шарип вина 1963-чу шарахь Дечкен-беттан 20 дийнахь Гуьмсан кIоштарчу Лахара Гезлой-эвлахь. 1988-чу чекхъяьккхина НППУ-н филологин факултет. Белхаш бина школехь, хьехархойн институтехь, Iилманан-талламан институтехь, хьехархойн училищан директоран а, «Васт» а, «Даймохк» а газетийн коьртачу редакторан даржашкахь а, ткъа иштта «Орга» журналехь а.

Карарчу хенахь «Хьехархо» газетан коьрта редактор ву Цуруев (цуьнца цхьаьна НР-н Iилманийн академии «Таллам» журналан жоьпаллин редактор а).

Авторш

XS
SM
MD
LG