ПIаьрнгазара бусалба юкъаралла а, цигарчу къанойн кхеташонан декъашхой а леррина дIахьедар дан дагахь бу тахана, рузба дIадирзинчул тIаьхьа. Цу кIоштахь дукха хан йоцуш полицин операци дIахьош вийначу Мачаликашвили Темирланан нанас Маргошвили Медикос диqцарехь, цунна дуьххьар дуьйна хууш дара, шен кIант кхин стаг ву моьттуш хилла хилар эскархой, яздо «Гуьржийчоь онлайн» агенталло.
«ХIинццалц Гуьржийчохь теракташ хилла яцара, пачхьалкхан кхерамазаланн сервисо йина сан хIусамехь теракт, меттахь Iуьллуш волу сан цхьаъ бен воцу кIант а вийна», - аьлла дIахьедар дина Маргошвилис.
Мачаликашвилин дас-нанас доьху Iедалшка шайн кIант вийна болчу СГБ-н белхахошна таIазар дар.
