Нохчийчуьрчу зорбан министро Умаров Джамбулата а комментари йитина журналистан, президенатн харжамийн кандидат Собчак Ксения Нохчийчу ярах. Ша харжамийн кандидат а, Оьрсийчоьнан яхархо а хиларе терра, Собчакан бакъо ю шена луъучу яха аьлла Умаровс.
"Официалехь цхьаммо а кхайкхина еана яцара иза. Амма цуьнан бакъо ю пачхьалкхан мьулххачу а регионе яха, ша Оьрсийчоьнан президентан харжамийн кандидат хиларе терра а, пачхьалкхан яхархочун статусехь а хиларна. Пикетан хьесапехь цо йиначу дефилена нагахь меттигерчу бахархошлахь резабоцурш хиллехь, хIун дер, шоу хIотто иза говза хилар хууш ду, йоккха профессионал ю иза".
Умаровс бахарехь, шеца цхьанакхета реза ца хиллачу Кадыров Рамзанна бекхам бечу кепехь хIоттийна ю цо и пикет.
"Муьлххачу а демократин пачхьалкхехь цхьаболчу кандидаташна тIе хIоаш, торташ лестош меттигаш нислуш бу. Цхьадика кхузахь хIоаш ца лестийна. Могушалла латтайойла Собчакна, цуьнан къегинчу, импулсиван дахарехь аьттонаш хуьлийла цуьнан", - аьлла Умаров Джамбулата.
