ТIекхочийла долу линкаш

ЦIеххьана кхаьчна хаам!

Шелковскерчу кхиазхошна йиттина полисхой кхеле хIиттор бац


Нохчийчохь кхиазхойх леташ яьржинчу видеон хьокъехь бехкзуламан гIуллакх айда дуьхьало йина талламчаша, зуламан хIоттам бац цуьнца аьлла, яздо "Мемориал" центро.

Маршо Радионо яздира стохка ГIуран-баттахь бакъонашларъярхоша кхиазхошна еттарх прокуратуре бинчу хаамаех. Камерана хьалхха Шелковск кIоштарчу бахархошка гечдар дехийтира полисхоша церан дов хиллачу Иласхан-Юьртарчу бахархошна гергахь.

WhatsАpp-ехь Iораяьккхинчу видео тIехь гуш ду, Иласхан-Юьртара божарий сийсазбиначарна етташ, барт хоттуш. Полисхойн духарца волчу цхьаммо кхиазхочун юьхь тIе етташ, гечдар дехар тIе а дожош, гойту цу видео тIехь. ЙоI ю лецначарлахь.

"Хьо саннарш ма бу байа безаш", - олий, вистхуьлу гуш воцу цхьа стаг а.

STAV.AIF.RU агенталле махкарчу чоьхьарчу гIуллакхийн пресс-гIуллакхоша дийцина, оцу инцидентна гонах бина талламаш хиларх. Цара гайтарца, чоьхьарчу гIуллакхийн министраллан белхахой декъах бац оцу гIуллакхна я полисхойн дозан тIехь хилла а дац и сурт аьлла, дIахьединера министралло.

Оха хьоьхург

XS
SM
MD
LG