ТIекхочийла долу линкаш

ЦIеххьана кхаьчна хаам!
please wait

No media source currently available

0:00 0:02:57 0:00
Линкана тIе

Нохчийчоьнан парламенто шен рогIерачу кхеташонехь йийцаре йийр йолуш ю Даймехкан Сийлахьчу тIамехь хилачух харцдерг дийцар доьхкучу низаман проект. Аьшпаш баржочарна а, оцу тIеман ветеранийн сийдойучарна луьра таIзар дан деза аьлла хета нохчийн парламентехь. И хаам баржийна цуьнан зорбан-сервисо.

И сацам парламенто бина дукхаа хан йоцуш Нохчийчоьнан куьйгалхочо Кадыров Рамзана и гIуллакх хьалхатеттича.

Историн Iилман кандидатан Хатуев Исламан шен хеннахь айдина гIуллакх ду боху иза. "Цхьацца автораша вайн къам сийсаз а деш, жайнеш язъеш белхаш бо. Харц хIума ду цара дуьйцург. Вайн бакъо хIунда яц вайна луьйш берш совцо вайн пачхьалкхехь? Оьрсийчоьнан пачхьалкхан Думе и хаттар а даьккхина, иштта иза ца дахь, и нах совцур бу аьлла ца хета суна".

Дуьненан шолгIачу тIамехь нохчаша дакъалацар харцдан гIерташ дуккха а ницкъаш бу, Оьрсийчохь а, кхечу метигашкахь а аьлла хета историкна Хатуев Исламна.

Беккъа нохчий 40 эзар сов хилла оцу тIамехь, са а, дегI а ца кхоош дакъалоцуш, ткъа иза бакъ дац бохуш, йозанашкахь къахьоьгуш дуккха а нах бу, элира цо: "Дера ба-м бу хIинца а. Пыхалов вара интернет чохь и тептарш чукхуьйсуш. Иза цхьа жимма сецна. Вайн махкахь ма ца хоьцу кхин къаьмнаш аьшнаш деш книгаш. И гIуллакх саца ца дахь, цхьа книга а дукха ю аьлла хета суна".

Нохчийн парламенто кховдина и низам тIеоьцура ду аьлла ца хета юкъаралхочунна Зубайраев Мохьмадна. Историн бух хийца безар ма бу и низам вай ма бохху хийцахь, элира цо: "Пачхьалкхан Думо тIелоцур дац и низам. Иза тIеэцахь, дуккха а историкаш чубохка безар бу. Цара харцийна ма ю оцу тIамах лаьцна истори. Немцошна тIе а тайна, тIом бина бохург ду-кх харцдерг. ДIахьовсийша, немцошца цхьана тIом бина мел дукха ю тобанаш церан. Ас-м Власов а ца вуьйцу. Иза ю-кх истори".

ТIедогIучу еариндийнахь дуьххьара дийцаре дира ду Нохчийчуьрчу парламентехь и гIуллакх. Нагахь санна, кхузахь низаман и проект тIеэцахь, иза къобал ян хьажор ю Оьрсийчоьнан пачхьалкхан Думе.

Шуна хетарг

Гайта комментареш

Дуьненан футболан чемпионат шайн цIахь дIахьош хиларе терра, Оьрсийчоьнан бахархоша сагатдо мехкан футболна. Шу дуй оцу декъах?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG