Оьрсийчоьнан Лакхарчу кхело пIераскандийнахь дIатеттина Собчак Ксенияс, Путин Владимирна йина регистраци юкъахъяккхар доьхуш, чуелла иск. Маршо Радион корреспонденто бина и хаам кхел йоьдучу хIусамчуьра.
Масийттазза оцу даржехь лаьттинчу Путинан бакъо яц юха президенталле гIерта аьлла дара Собчакан дIахьедарехь.
Бух боцуш лерина Оьрсийчоьнан харжамийн комитето журналистан арз.
Путин Владимиран 65 шо ду. 2000-чу шарахь дуьйна ву иза Оьрсийчоьнан куьйгаллехь.
Президентан даржехь 13 шарахь хилла иза. Кхин а 4 шарахь премьер-министран гIентахь.
КарабогIучу беттан 18-чу дийнахь дIахьур бу Оьрсийчохь президентан харжамаш. .
