"Демократеш йохо" гIерта аьлла, Оьрсийчоь бехке а еш, Украинан президенто Порошенко Петрос оьрсийн байракх цхьанхьа а лесто магийта мегар дац аьлла. ТСН телеканална еллачу интервьюхь дина цо и къамел.
54-чу кхерамзаллех Мюнхенехь хIоттийначу конференцехь вистхуьлуш, Порошенкос ша дуьхьал ву аьлла, ГIирмехь Оьрсийчоьнан президентан харжамаш дIабахьарна а, Европан Кхеташонан парламентан Ассамблейхь Оьрсийчоьнан бакъонаш юхаметтахIитторна а.
"Мехаллех къаьстина ша хуьлийла дац я политика а, я бизнес а. Таханалерачу Москохан политикехь нийсо яц лелош. Цундела Iаьнан Олимпикан ловзаршкахь лестош яц Оьрсийчоьнан байракх", - аьлла Порошенкос.
Киево масийттазза бекхейира Москох, Украинан гIуллакхашна юкъагIертарна.
Оьрсийчоьно и бакъ ца до, и тайпа бехкаш шайна дахка бахьанаш а дац, бохуш.
