Немцойн Дрезден гIалахь лаьцна нохчийн зуда. СаидовгIеран доьзалан нана 28 шо долуш ю. Деа беран нана ю иза, 2 шарера 8 шаре кхаччалц хенаш йолчу.
Масех де ду цу зудчунна орцахдовларе дехар деш болу кхайкхам социалан машанашкахула лелаш болу. Цу тIехь чIагIдо, и зуда йолу меттиг хоуьйтуш а яц, цунна тIе адвокат кхочуьйтуш а вац, ткъа цуьнан диъ бер нанна сагатдеш ду бохуш.
Маршо Радион информацица, и зуда даханчу шарахь цхьамогIа зуламаш лелорна Дрезденехь лаьцначу нохчийн къомахчу талорхойх цхьанан хIусамнана ю.
Иза билгал мича бехкенна лаьцна ю бохург хууш дац, амма цхьаццадолчу хьастанаша чIагIдарехь, цунна дуьхьал тоьтту набахтехь воллучу шен майрчунна накъосталла деш цхьамогIа талоршкахь дакъалацар.
