ТIекхочийла долу линкаш

ЦIеххьана кхаьчна хаам!

Германехь маьждиг дагийна


Германерчу Тюринген лаьттарчу Мюлхаузен гIалахь цабевзачара цIе тесна маьждигах. И бахьана долуш 14 стагана, шайна юккъехь бераш а долуш, эвакуаци ян дезна. 7 стаг чевнаш йина а, ягаран газех дIавш даьлла а лоьрийн цIийне кхачийна.

Маршо Радион корреспонденте Мюлхаузен гIалахь вехачу Нохчийчуьра орамаш долчу тешо дийцарехь, маьждиган гIишло ерриге а яьгна дIаьялла, иза чукхета там боллуш ю. Маьждигал сов кхин цхьа могIа фирманийн офисаш йохь йолу йоккха гIишло ерриге а хIаллакйина цIаро.

Тюрингерчу полицин дIахьедарца, цIе ша шех яьлла а йоцуш, талорхоша тесина хиларх шеко яц. Маьждиган гIишлонна гонах йиъ меттехь гучудевлла Iедалхойн лерина Iамийначу жIаьлешна цIеран хьостанаш. Полицино лохуш бу цIе теснарш.

Масех кIира хьалха Германерчу Хаале гIалахь а дагийнера маьждиг. ХIетахь цIаро чевнаш йира цхьана стагана.

XS
SM
MD
LG