ТIекхочийла долу линкаш

ЦIеххьана кхаьчна хаам!

Шемарчу "Исламан пачхьалкх" шех олучу тобан цхьана декъехь лаьттинчу ГIалгIайчоьнан вахархочунна Абадиев Мохьмадна 15 шо хан кхайкхийна меттигерчу кхело, хаамбо республикерчу ФСБ-ехь. 2015-чу шарахь ДаIишхойн тобанах дIакхетта хилла и жима стаг. Тобан лурчах вийначу лидеро шен теш вина а хилла цунах.

"2016-чу шарахь хьалханча вийначул тIаьхьа Шема дIаваха гIоьртина хилла иза дуьненаюкъарчу террорхойн организацех дIакхета лаамца. Оццу шеран гурахь къайлахчу сервисаша лаьцнера Абадиев герзаца цо дуьхьало ечу заманчохь", аьлла, дийцина ГIалгIайчоьнан ФСБ-но "Интерфакс" агенталле.

Бакъо йоцуш герз лелор а, террорхойн тобанехь латтар а тидаме а эцна, набахтехь даккха 15 шо хан тоьхна Абадиевна.

ГIалгIайчоьнан чоьхьарчу гIуллакхийн министраллан зерашца, Шемахь тIом болабелчхьана республикера 200 вахархо дIакхетта "Исламан пачхьалкх" шех олучу тобанах.

XS
SM
MD
LG