Еаридийнахь 14-гIа ду Оьрсийчоьнан президентан Путин Владимиран Федералан гуламехь вистхилар. ХIинццалц Кремлехь къамел деш лаьттина традици а йохош, Путинан вистхилар нисдина кху шарахь Йоккхачу Манежехь. Яхначу заманчохь ГIуран-баттахь хуьлура и барам, ткъа хIинца Зазадоккхучу-баттахь, президентан харжамашна гергарчу заманчохь.
Хаамийн гIирсашкахь дуьйцура, хьалха политикан элитаца къамел деш хиллехь а Путина, хIинца Оьрсийчоьнан боллучу бахархошка хир ду цуьнан вистхилар аьлла. Доккхачу декъанна президента дийца лерина ду, Кремло Iорадаккхарца, тIедогIучу 6 шерачохь президенто дан оьшучух.
Дуьххьара депутаташка а, Федерацин Кхеташонан декъашхошка а вистхилира Оьрсийчоьнан хьалхара президент Ельцин Борис 1994-чу шарахь.
