ТIекхочийла долу линкаш

ЦIеххьана кхаьчна хаам!

Оьрсийн мотт буьйцу зударий а, бераш а ду БагIдадерчу набахташкахь


Оьрсийчоьнан арахьарчу гIуллакхийн министраллан официалан векал Захарова Мария.

Террор лелочу нахана гIо дар хьокъехь таллам дIахьош лаьцна латтош оьрсийн мотт буьйцу 22 зуда а, 49 бер а ду БагIдадехь аьлла, дIахьедар дина Оьрсийчоьнан арахьарчу гIуллакхийн министраллан официалан векло Захарова Марияс, хаам бо ББС-но. Карарчу хенахь Оьрсийчоьнан консульствон белхахой бу царна тIекхача гIерташ.

Захаровас бинчу хаамца, зударий а, бераш а Оьрсийчоьнан махкахой хила мегаш бу. Уьш карарчу хенахь талламана юкъаозийна бу. Царна дихкина ду зIе латтор, арахьарчу нахаца, шайна юкъахь кхечу пачхьалкхийн дипломаташ а болуш.

Захаровас дийцарехь, цу бахьаница дихкина ду цу нахаца цхьаьнакхета БагIдадерчу Оьрсийчоьнан векалаллерчу белхахошна.

XS
SM
MD
LG