Непалан коьртачу шахьаран Катмандун аэропортехь охьадусучу хенахь 67 пассажир а, экипажера 4 стаг а тIехь волу Бангладешера кема доьхна оршотдийнахь. Аэропортан векало бина и хаам. Цо бахарехь 17 стаг дийна висина.
Хьалхо хаам баьржира, Bombardier Q400 ("Бомбардье Кью-400") олу Даккера Катманду доьду кема хьалагIоттучу а, охьадусучу а асанера а даьлла, даьгна бохуш.
Франс Пресс агенталлан информацица, US-Bangla Airlines ("Ю-эс-бангла эйрлайнс") авиакомпанин кема доьхначу меттигехь, Непалан дуьненаюкъарчу Трибхуван аэропортехь, беллачийн декъий дара аьлла.