ТIекхочийла долу линкаш

ЦIеххьана кхаьчна хаам!

Нохчийчу харжамашна тIехь терго латто шен векалш бохуьйтуш Навальныйс


Нохчийчуьрчу харжамийн каппашкахь кхаьжнаш тосучу дийнахь тIехь терго латто 53 шен лаам болу тергамча вахийта Iалашо ю оппозиционеран Навальный Алексейн штабан.

"Нохчийчоь. "99 процент наха кхаьжнаш тесна" йолу. Тхоьга Iаламат дукха кехаташ даьхкина оцу республикера. Лечкъа а ца деш, кхаьжнашна тIехь фальсификаци ю лелош, шаьш болх бан кхоьру бохуш, яздо бахархоша. "Тхо кхузахь даха дезаш ма ду кхи дIа а", ишта кхин а…

Царех кхета мегар ду, делахь а цхьа ши майра стаг ву, тергамчаш санна цига ваха лаам болуш, хIетте а тхуна лаьара тхайн цIарах Нохчийчу делегаци хьажо. 53-ммо цига ваха лаам хилар къадийна тхоьга", - яздина шен сайтехь Навальный.

Цо бахарехь, церан кхерамзалла Iалашъян хьовсур бу Оьрсийчуьрчу харжамийн комитетехула (ЦИК).

"Нохчийчу церан бахарх еаридийнахь дийцаредийр ду оха ЦИК-ан куьйгалхочуьнца Памфилова Эллица, церан кхерамзалла цуьнга шена тIелацар а доьхуш", - хаамбо Навальныйс.

"Iаламат пайден" хир ду аьлла хета оппозиционерна, нагахь меттигерчу Iедалшца боьзна боцучу наха терго яхь "99 процент харжамхойн".

XS
SM
MD
LG