ТIекхочийла долу линкаш

ЦIеххьана кхаьчна хаам!

ЕГЭ экзамен юкъараяккхар хьоьху Думан депутато


Парламентан лахарчу палате ЕГЭ пачхьалкхан экзамен юкъара дIаяккхарх низаман проект кховдо сацам бина Пачхьалкхан Думан депутато Чернышов Бориса. RT агенталло бина и хаам.

"Берашна а, дайшна- наношна а хьаьхна ЕГЭ юкъара а яьккхина, традиционан экзаменашка дерза дезара. Школашкахь дешаран процессан дикалла лакхаер ю тIаккха. ТIаьххьарчу шарахь ЕГЭ-на тIе а ца таьIаш, паргIат деша а доьшуш, лакхарчу доьшийлашка кечам бан аьтто хир бара берийн", - аьлла хета депутатна.

Къоман дайн-нанойн комитетан куьйгалхочо Волынец Иринас хьалхо эфирехь дIакхайкхийра, дукхайолу берех хьакхалу психикан, психологин цамгарш къасттина ЕГЭ экзаменаш дIаяларца доьзна хуьлу аьлла.

"Тахана вайн доллу дешар ЕГЭ-хь лаккхара балл яккха аьлла ду, кIезиг бу берийн хааршца бала берш", - аьлла, билгалдаьккхинера Волынец Иринас.

XS
SM
MD
LG