ТIекхочийла долу линкаш

ЦIеххьана кхаьчна хаам!

Ши нохчо чувоьллина, Шема ваха дагахь хиларна бехке а вина


Архивера сурт.

Къилбаседа-Кавказан гонан тIеман суьдо хан кхайкхийна Нохчийуьрчу шина вахархочунна, Шема а вахана "Исламан пачхьалкх" олучу тIеман тобанах дIакхета дагахь хилла аьлла. Цунах лаьцна хаам бина "Интерфаксо".

Кхелан сацамехь аьлла ду, Сугаипов Адам а, Мурдиев Юни а Туркойчухула Шема ваха дагахь хилла аьлла. И шиъ лаьцна дозанхоша Краснодаран аэропортехь талламан пунктехула чекхволуш.

Сугаипов а, Мурдиев а бехке лаьрра "терроран организацехь дакъалаца кечлуш хилла" аьлла. Хьалхарчо набахтехь доккхур ду 7 шо, шолгIа чувоьллина, 8 шо хан а тоьхна. Дина таIзар токхур ду шина нохчочо режим чIагIйинчу колонехь.

XS
SM
MD
LG