ТIекхочийла долу линкаш

ЦIеххьана кхаьчна хаам!

"Ад-Дияр": Путина Шема хьажор ву 100 эзар нохчо


Архивера сурт.

Путин Владимира Шемара цIабалош бу цигахь тIом беш болу Оьрсийчуьра эскархой, церан метта 100 эзар нохчо хьажо, чIагIдо Либанерчу "Ад-Дияр" газето, хаам бо Кавказ.Реалиино.

Амма журналисташа ца дуьйцу мичара хиъна царна Оьрсийчоьнан президентан планех лаьцна.

"Ад-Дияр" газето яздарехь, Нохчийчохь вехаш ву 30 миллион стаг. Ткъа цу республикан арми ю 2 миллион эскархочух лаьтташ. Репортераш дийцарехь, царна тренингаш йинарг ву Путин Владимир.

"Ад-Дияр" газето чIагIдарехь, "Оьрсийчоьнан армин эскархой Оьрсийчоьнан бусулба эскархошца хийца оьшур бу цхьа бутт.

"Ад-Дияр" арадолуш ду Либанехь 1940-чу шерашкахь дуьйна. Цо хьул ца до ша Оьрсийчоьнехьа ойланаш йолуш хилар. Цуьнан долахо ву журналист Айюб Шарл.

Кавказ.Реалиино дийцарехь, цу артиклехь яздинчух тешначух тера дац иза ешна нах. Царах цхьаболчара шайн комментарешкахь билгалдоккху 2013-чу шарахь Нохчийчохь вехаш 1,5 миллион вахархо а бен ца хилар.

XS
SM
MD
LG