ТIекхочийла долу линкаш

ЦIеххьана кхаьчна хаам!

Исторехь дуьххьара Австралера Британерчу Лондонан ХIитроу аэропорте, охьа а ца хууш, рейс йина кемано.

Qantas Airlines компанин лайнеро бина 14 500 километр некъ 17 сохьтехь. И рейс йина Boeing 787-9 Dreamliner кемано. Цо нисса ах кIезиг мехкадаьтта дойу Boeing 747 дойучулла а.

Boeing 787-9 Dreamliner кема новкъа далале вистхуьлуш Qantas Airlines авиакомпанин куьйгалхочо Джойс Алана дIахьедар дина, керла рейс керла хьал кхуллуш ю аьлла. Цо дагадаийтина и компани кхуллуш Австралера кеманахь Британе кхача 4 де оьшуш хилла хилар а, 7-зза кема охьахао дезаш хилла хилар а.

Перта гIалара Лондоне деанчу Boeing 787-9 Dreamliner кемана тIехь хилла 200 некъахо. Иза новкъадаьллера 18 сахьт 50 минот яьча. Беха некъ аьхна хилийта кемана чохь ду то дина хIаваъ, лахдина ду гIовгIа хилар.

XS
SM
MD
LG