ТIекхочийла долу линкаш

ЦIеххьана кхаьчна хаам!

Малхбалерчу Гутера арабовлучу нахана гIо дина Кадыровн фондо


Малхбалера Гута, Шема. 03.2018.
Малхбалера Гута, Шема. 03.2018.

Кадыровн цIарахчу Юкъараллан фондо кхачанца а, хица а гIо дина Шемахь Малхбалерчу Гутера арабовлучу мухIажирашна.

Цунах лаьцна хаам бина Нохчийчоьнан куьйгалхочо Кадыров Рамзана шен "ВКонтакте" агIона тIехь.

Хьалхо хаам бина ма хиллара, Димашкана гергахь йолчу Малхбалера Гутера арайолуш ю кхин цхьа оппозицин тIемалойн тоба. Иза дан аьтто баьлла Iедалан ницкъашца цу хьокъехь барт хиллачул тIаьхьа.

Оппозицин "Файлак аль-Рахман" тобан тIемалой а, церан доьзалш а дIабоьлхуш бу Шеман къилбаседехьа йолчу гIаттамхоша Iуналла дечу Идлиб провинце. Маьрша бахархойн бакъо ю шайна лаахь Малхбалерчу Гутехь биса.

Верриг а цу меттигера аравала мегаш ву 7 эзар тIемало а, церан доьзалш а. И барт хилла, Оьрсийчуьрчу эскаран векалша юкъало а лелош. Цара чIагIдарехь, кху тIаьхьарчу баттахь Малхбалерчу Гутера дIавахана 100 эзар сов вахархо.

Бакъонашларъярхоша а, Шеман оппозицино а бехке йо Асад Башаран режим а, Оьрсийчоь а, тIеман операци дIахьош Малхбалерчу Гуте къиза бомбанаш еттарна.

Оха хьоьхург

XS
SM
MD
LG