Шелан кIоштарчу талламан комитетан декъо бехктакхаман гIуллакх долийна 28 шо долчу меттигерчу зудчунна духьал. Иза бехке еш ю кегий бераш хьийзорна.
Талламхошкахь болчу хаамашца, и зуда ехаш хилла шен хIусамдеца, цунна кхечу зудчо динчу кхаа бераца цхьаьна. Цу берашкахь безам боцуш царна саццаза етташ хилла цо, уьш къиза хьийзош.
Карарчу хенахь талламо къастош ду дерриг а хилларг. И таллам дIабирзича билгалдоккхур ду зудчуна дан деза таIзар.