ТIекхочийла долу линкаш

ЦIеххьана кхаьчна хаам!

ГIалгIайчоьнан Лаккхарчу кхело юхатоьхна Хазбиевн адвокаташа бина латкъам


Архивера сурт.

ГIалгIайчоьнан Лаккхарчу кхело юахатохна оппозиционеро Хазбиев Мохьмада талламан изоляторехь йоккху хан яхъеш суьдо бина сацам нийса бац аьлла суьдехь гIо лоцучу агIоно бина латкъам.

Юкъараллан жигархочуьнан адвокатана хетарехь, суьдхоша, тидаме а ца оьцуш, дитина масийтта кIоршаме низам дохор, цундела иза лаьцна латтор дахдар бух боцуш ду

Магасерчу кIоштан кхело сацам бина Хазбиев чувоьллина вита Мангал-беттан 11-гIа тIекхаччалц аьлла.

хаа шарахь Магасо дуьненаюкъарчу лехаме велла а волуш, Соьлж-ГIалахь вехира иза. Нохчийчохь оцу юкъанна бовзаза бисинчу наха веза а велира иза, цуьнан машенна тIелатар дича.

Дуккха а шераш ду Хазбиев Мохьмад ГIалгIайчоьнан Iедалца къийсало, бахархой протестан гуламашка боху. Цо кест-кеста емалйо махкара коррупци, шена харцонна тIехь бу аьлла го куьйгалхой, ша аьлча, ГIалгIайчоьнан лидер Евкуров Юнус-Бек.

Шен махкара ведда, Нохчийчохь цуьнан къайлавалар нисделира 2015-чу шеран юьххьехь. Ростов гIалахь ядийна, лохуш йолу Тойота Лэнд Крузер Хазбиев Мохьмадан кертахь карийна, аьлла ю полицин претензи. Иштта, машенан лоьмарш хуьйцу гIирс а, герз а даьккхина цуьнгара, чIагIдо Iедалхоша.

Цул сов Хазбиевна бехке дуьллуш ду, бакъо а цоуш, цIахь герз латтор.

XS
SM
MD
LG