Нохчийчохь школашкарчу дешархойн дай-наной дуьхьал бу шайн берашна мехий деттарна, хаам бо "Кавказский узело". Царна хетарехь, пехийн цамгар ю-яц толлу а бохуш, церан берашна цхьацца вакцинийн кхераме мехий ду детташ.
Республикехь алсамдаьлла вакцинаш тохарна дуьхьал болчу нехан терахь, стохка полиомиелитана дуьхьал маха тоьхначул тIаьхьа берийн могушалла вуно галйолуш хиларх лаьцна цхьана лорйишас кхайкхам бинчул тIаьхьа.
Цу лорйишица цхьаьнакхийтира республикан куьйгалхо Кадыров Рамзан, цул тIаьхьа цу зудчо юха ийцира шен дешнаш. Амма цу хьоло кхин а алсамдаьккхина вакцинашна дуьхьал болчу Нохчийчуьрчу бахархойн терахь.
