Эрмалойчоьнан президент лаьттина Саргсян Серж, премьер-министран даржера вохон гIерташ оршотдийнахь юха а дIайолийна дуьхьалонан акцеш. Азаттюн Радионо хаамбарца, Ереванехь студенташ арабевлла. Эрмалойчоьнан коьртачу урамашкахь машенийн дIасаелар сецна ду. Цул совнах, бIеннашкахь демонстранташа дIакъуьйлу некъаш, сецайо гIалин транспорт.
Ванадзор олучу йоккхачу гIалахь дуьхьал гIевттина меттигерчу "Глория" бедарш тегаран фабрикан белхахой.
