Iамеркан Цхьанатоьхначу Штатийн президента тешам белла, шен Къилбаседа Корейн лидерца Ким Чен Ынца хиндолчу цхьанакхетаро пайдабохьур бу аьлла. Цу кепара дIахьедар дина цо шоьтадийнахь шен Къилберчу Корейн а, Японин а президенташца къамел хиллачул тIаьхьа. Твиттерерчу шен агIон тIехь Трампа хааме даьккхина, "Iаламат хаза къамел хилла шен" Ин Мун Чжеца аьлла. Ишта Абэ Синдзоца Къилбаседа Корейца шен йолчу планех а дийцина цо.
Германин канцлерца Меркель Ангелаца хиллачу цхьанакхетаран жамIаш дуьйцуш хIоттийначу пресс-конференцехь пIераскандийнахь Трампа дIахьединера, КНДР-н лидер "шен ловзарех ловзуш ву" аьлла ца хета шена. Трампа бахарехь, Кимца цуьнан цхьанакхетар хир ду гергарчу хенахь.
Iамеркан тIеман министро Мэттис Джеймса а ша тешна ву аьлла, шина президентан дийцарша дика жамIаш гойтур ду аьлла.
