Оппозицин лидеро Пашинян Кикола кхайкхам а бина, Эрмалойчохь некъаш а, танспортан галморзахенаш а дIакъовлуш бу дуьхьалонан акцийн декъашхой.
БIеннаш наха дIакъевлина Ереванера Звартноц олучу аэропорте боьду некъ. Цхьаболчу хаамашца, махкахь сацийна цIерпошташ лелар.
Шинарин дийнахь Iедалехь йолчу Республикан партино парламентехь дуьхьал кхаж тесира Пашинян премьер-министр харжарна. Иза ша цхьаъ бен вацара цу дарже хIотто хьалхатеттина кандидат.
