"Барселона" футболан тобанан форвардана Месии Лионелна "Дашо бутса" елла, 2017-2018 сезонан жамIаш деш. Иза рекордан 5-гIа "Дашо бутса" ю аргентинахочо шен карьерехь яьккхина йолу.
Испанерчу "Реалан" форвардана португалхочунна Роналду Криштиануна 4-зза делла и совгIат.
"Дашо бутса" ло Европерчу пачхьалкхийн къоман чемпионатийн жамIаш а дой, ерриг а тобанашна юкъахь тоьллачу форвардана.
Кхушара Мессис 68 балл яьккхира, 34-зза буьрка чу а тоьхна. Иза 4 балл бен хьалха ца ваьлла Британерчу "Ливерпулехь" ловзучу 32-зза буьрка чутоьхначу Салахь Мохьамедал а.
30 шо долу Месси шен ерриг а карьерехь ловзуш ву Испанерчу "Барселона" клубехь.
