Тбилисхь шуьйра даздина Гуьржийн демократин республика кхоьлина 100 шо кхачар. Даздаршкахь дакъалецира Еврокомиссин куьйгалхочо Юнкер Жан Клода а, ткъа иштта Эрмалойчоьнан а, Литван а, Латвин а, Полшин а, Словакин а, Финляндин а президенташа а.
Тбилисин Маршонан майданахь эскаре хьажар дIадаьхьира, НАТО-н Гуьржийчуьрчу Iаморан базехь дIатардинчу гуьржийн армин дакъоша а, Iамеркан тIеман говзанчаша а дакъа а лоцуш. Майданахь гулбелларш хьаьжира гуьржийн йозуш йоцу пачхьалкх дIакхайкхор гойтуш хIоттийначу сурте.
ЦIечу Армино 1921-чу шеран Чиллан-баттахь йохийна Гуьржийн демократин республика дIакхайкхийнера Тбилисехь Руставели Шотан проспектерчу гIала-хIусамехь 1918-чу шарахь Стигалкъекъа-беттан 26-чу дийнахь Оьрсийчоьнан вевзаш волчу социал-демократин боламан декъашхочо Жордания Ноэс.