ТIекхочийла долу линкаш

ЦIеххьана кхаьчна хаам!

Иракъера бераш далош кема догIур ду кеста


Кеста Гергарчу Малхбалера кхин а кема догIур ду кегий бераш далош. Мел лахара а Оьрсийчуьра 25 бер хир ду кеман тIехь. "Иракъерчу Iедалхоша таIзар динчу зударийн доьзалхой бу уьш", - аьлла Нохчийчоьнан куьйгалхочун векало Сабсаби Зияда. Дерриг а 94 бер ду даймахка цIадерзо лерина. Дукхаболчийн хIинца а кийча дац оьшу юридикан кехаташ. "Оцу берех 45 дозанал а арахьа дуьненчу даьлла ду, 38 Иракъехь, цхьаъ Шемахь, пхиъ Туркойчохь, цхьаъ Германехь. Уьш оцу пачхьалкхера арадаха вуно хала ду. Церан гергарчаьрга ДНК-тесташ ян еза бохуш, дехарш дан дезар ду тхан", - аьлла Сабсабис.

Оьрсийчу схьадалочу бершащлахь 10 процент гергга Нохчийчуьра бахархой бу. Доккхачу декъанна цаьрца ду ГIезалойчуьра а, Башкирера а, Къилбаседа Кавказера а бераш.

"Оцу берийн 49 нана набахтехь ю. 21-нна яккхий хенаш йиттина, иштта белла дIабовллалц чохь Iен безарш а бу. 28 зуда ю шайн кхолламе ладоьгIуш Iаш", - аьлла, тIетоьхна Кадыровн векало.

Берех уггар доккххдолчун 11 шо бен дац. Иракъан низамашца, кхо шо кхаччалц долу бераш бен ца дуьту набахтехь нанойн карахь.

Комментареш

New Comments Available

Оха хьоьхург

XS
SM
MD
LG