Оьрсийчохь бакъонаш ларъярх лаьцна хIоттийначу резолюци юкъа дипломатин бойкотах долу дакъа дало дагахь бу Европан парламентан депутаташ. Евробертан Iедалан векалшна чемпионате хьовса цабахар хьоьху Европарламенто. Цунах лаьцна хаамбира Маршо Радион Брюсселерчу корреспонденто Йозвяк Рикарда. Хьалхо дуьненан чемпионатна бойкот кхайкхорах дIахьедира турниран еа пачхьалхкан-декхашхочун хьаькамаша.
Великобританин премьер-министро Тереза Мэйс хаамбира Зазадоккхучу-баттахь, Солсбери гIалахь ГРУ-н хиллачу эпсарна Скрипаль Сергейна а, цуьнан йоIана Юлияна а дIавш далар бахьана долуш, паччахьан доьзалш а, Британин министраш а Оьрсийчу боьлхуш цахиларх.
Царна тIетайра Исланди а. Чемпионат схьайоьллучу церемони ша гIуриг цахиларх тIаьхьо дIахаийтира Полшин президенто Дуда Анджейс а.
Дахначу еаридийнахь Оьрсийчу шаьш гIур дац элира Австралин Iедалхоша а.
