Пенсе воьду хан хуьйцур яц Нохчийчохь. Цунах лаьцна дIахьедар дина республикан куьйгалхочо Кадыров Рамзана, хаам бо Оьрсийчуьрчу зорбанан гIирсаша.
Кадыровна хетарехь, нохчийн халкъо бала лайна 10 шарахь, ткъа "хIора нохчо я кхаба стаг воцуш витина, я заьIапхо хилла, я боккхачу доьзалан нана я да ву".
Нохчийчоьнан куьйгалхочо бинчу хаамца, республикехь пенсе воьду хан тIехьатоттур яц, иза дан йиш йоцу билламаш тидаме а эцна.
