ТIекхочийла долу линкаш

ЦIеххьана кхаьчна хаам!

Соьлж-ГIаларчу маьждиге рузбан ламазе гIур бу Мисаран футболхой


Архивера сурт.
Архивера сурт.

Футболан дуьненан чемпионат йоьдуш Соьлж-ГIалахь дIатарйинчу Мисаран тобанан футболхой рузбан ламаз дан гIур бу Нохчийчоьнан коьрта гIаларчу коьртачу маьждиге. Цунах лаьцна хаам бина РИА Новости агенталло.

Цу хеннахь, Мисаран юкъаралла бахьанаш лоьхуш ю шайн тоба цу чемпионатехь эгIаза ловзуш хиларан, яздо Кавказ.Реалиино.

"Аль-Мысри аль-йоум" газетан авторна хетарехь, коьрта гIалат дара Мисаран футболан тобано чемпионат дIайоьдучу юкъана футболхой Iаш болу меттиг Соьлж-ГIала харжар.

Чемпионат йолаелчхьана мисархой шозза эшна – Уругвайн а, Оьрсийчоьнан а футболхошна.

Мисаран журналисто дийцарехь, Соьлж-ГIала дукха гена ю чемпионатан ловзарш дIахьочу кхечу Оьрсийчуьрчу гIаланашна. Мисаран футболхойн дезаш хуьлу кеманца дукха гена некъ бан. Цундела футболах ловза арабевлча уьш кIадбелла хуьлу.

Оха хьоьхург

XS
SM
MD
LG