ЦӀийнах хьажа елла бакъо а йоцуш, бакъо яц мобилан телефонан долахо мичахь хилла бохучух лаьцна хаамаш Iедалан хьукматашка дIабала. Цу хьокъехь сацам бина Мангал-беттан 22-чу дийнахь Iамеркан Лаккхарчу Кхело.
Долахь долу хIума хьадан йиш яц аьлла хетачу нехан толам бу и вердикт, билгалдоккху "Iамеркан аз" зорбанан портало.
Кхаж тесча Цхьаьнатоьхначу Штатийн Лаккхарчу Кхелан 5 суьдхо реза а волуш, ткъа 4 дуьхьал а волуш сацам бина, низамаш лардо органашкахь цӀийнах хьажа елла бакъо хила еза, телефонах пайдаэцархо лелла меттиг къастош, телефонан компанешкарчу хаамашна тIекхача, аьлла.
Цу тайпачу хаамех даиман а пайда оьцуш Iедал ду талламхоша шаьш бехктакхаман гIуллакхаш толлуш.
Лаккхарчу Кхелана хетарехь, иза лара мегар ду Iамеркан Конституцин 4-чу тIетохаро дихкина долу бакъо йоцуш цӀийнах хьажар санна.
