Краснодарера Соьлжа-ГIала валош тIехсихаллин аьчган некъ билла аьлла, дехар дина Оьрсийчоьнан президенте Нохчийчоьнан куьйгалхочо Кадыров Рамзана. Цхьадолчу хьасташа даржорехь, 2025-гIа шо тIедале некъ бина балийта Iалашо ю Кадыровн, яздо "Коммерсанто".
Газетано бахарехь, экономикан а, транспортан а министраллашна проект кечъяр тIедиллина Путина. Оцу юкъанна, экспертийн шеконаш ю, аьчганекъан магистраль оьшуш хиларх, экономикехула хьаьжча. Цара ларарца, 1 триллион сом оьшу и проект кхочушъян, ткъа и дукха ахча ду бюджетна а, пачхьалкхийн компанешна а.
