2011-чу шарахь президентна Асад Башарна дуьхьал гIевттинчу Дераа гIаларчу гIаттамхойн купна го лаьцна оршотдийнахь Шеман пачхьалкхан эскаро. Рейтерс агенталле бина и хаам оппозицин векало Шаима Абус.
Цо бахарехь, Дераан Малхбузерчу гIаттамхойн коьрта база йолчу агIор Димашкъан эскарш дIагIоьртича эзарнаш меттигера бахархой гона юкъахь бисина.
Оьрсийчоьнан ницкъашца гIаттамхошца бинчу бертаца а догIуш, эскархойн официалехь эвакуаци ян йолаялале тIелетта Шеман арми. ПIераскандийнахь хиллачу бертаца, гIаттамхоша дуьхьал герз ца кхусуш Дераа а, Урдунца дозанера меттигаш а дIалур ю аьллера шаьш. Оппозицино тIехь контрол латточу Шеман Къилбаседанерчу кIошташка герзаца дехьабовла безаш бара Шеман Iедалхошца машар бан резабоцу тIемалой.
Оппозиционераша даредарца, оцу берто шемахойн эскаршна дехьа-сехьа дийларехь дозанаш тухура, иштта бакъо лора гIаттамхой лаьттинчарна меттигера дуьхьалояран ницкъаш вовшахтоха а, оьрсийн тIеман полицин куьйгакIел.
Оппозицин "тешам бац я оьрсех" а, я Асадан ражах а, цара барт цаларбарна кхоьруш аьлла Шаима.
Дераан Малхбалера оппозицино дIатуьйсу кIошташ церан карахь яра тIом болабелчхьана.
