Гуьмсан кIоштахь саьнгаро такхийна диъ шо долу йоI кIелхьараяьккхина меттигерчу шина вахархочо. Маьхьарш хезна тIекхаьчначу некъан полисхоша дарбан хIусаме кхачийра бер.
Мартынкаев Турпал-Iелина а, Юсупов Зеламханна а гина хилла, хино йоI хьош. Кхо метар кIорга саьнгар чу а иккхина, цушинна аьтто баьллера йоIана гIоьнна кхача. Гена боццуш некъаца лаьттачу полисхошна дIахезнера кхеран гIовгIа, орцахбевллачу цара хьем ца беш лоьрийн кара кхачийнера йоI.
Гуьмсерчу дарбан хIусаман реанимацехь ду бер, полисхоша талладаьккхина, муха кхаьчна хилла 4 шо долу йоI юьстахчу хи тухучу саьнгарна уллохь.
