Шалха агент хиллачу Скрипаль Сергейна а, цуьнан йоIанна Юлияна а Британерчу Солсберехь дIаьвшен тIелатар дина хилла 6 стагах лаьтттачу тобано, шен коьртехь Оьрсийчоьнан Талламан коьрта урхаллан белхахо йолу зуда а йолуш. Цунах лаьцна хаам бина The Daily Mail зорбанан гIирсо, Британин лерринчу сервисашкарчу хьастана тIе а тевжаш.
Цу тайпа ойла кхоллаелла талламхойн, Солсбери гIалана гергахь йолчу Эймсберехь "Новичоках" дIовш даьллачу Роули Чарльзан вашас тоьшаллаш динчулла тIаьхьа.
Цо дийцарехь, цуьнан вешина а, кхин а цхьана зудчунна Стерджес Донина а дIовш даьлла хилла, духи чохь хилла шиша а карийна, цу шиммо цу чохь йолу кочалла шаьшшина тIетоьхначул тIаьхьа. Зуда елира кху беттан 8-чохь, ткъа Роули кIелхьарвелира, лоьраша гIо дар бахьана долуш.
